موسوعة النكت الجامدة

واحد مسطول راكب طيارة خبط علي كتف المضيفة وسألها الحمام فين؟ قالتله الناحية التانية راح عالكتف التاني وسألها الحمام فين
--------------------------------
واحد بيحب يلعب بلأى استيشين ابنة مات كتب على قبرة
game over
---------------------------------
مره واحد أهبل قال والله العظيم ما هنام الا اما اخلص اللبانه
---------------------------------
اتنين رخمين اوي اتحكم عليهم بالاعدام فسألو الاول نفسك في ايه قال نفسي اشوف امي وبعدين سألو التاني نفسك في ايه قالهم نفسي متخلوهوش يشوف امه
---------------------------------
إتنين مشين فى الصحرا طلع عليهم اسد فواحد منهم رماه بطوبة وجرى بيبص وراه لقى صاحبة واقف بيقولة إنت مبتجريش لية قالو وانا مالى هو انا إللى ضربته
---------------------------------
مره واحد غبي راح السنيما هو ومراته اول ما النور طفا قال لها جومى يا واليه شكلهم هيناموا
---------------------------------
واحد بخيل دخل مع ابنه سوبر ماركت الولد قال لأبوه : بأحب الشوكولاته أبوه قاله : حبها ورجعها مكانها
---------------------------------
واحد ركب مترو الانفاق.. جاله الكمسرى بيقول له تذاكر ... قال له امين شرطه..... سابه وراح للجانبه قال له: تذاكر ... قال له: امين عبد الجواد ---------------------------------
مرة فار راجع بيتهم مسطول فتعب في السكه فنام تحت الرصيف شافته القطه قالت اروح اكله وهى بتعدي ريحاله خبطتها عربيه فماتت جنب الفار ولما الفار صحى ولقي القطه ميته جنبه قال الله يخرب بيت الخمره اللي بتخليني اموت في مخاليق ربنا
---------------------------------
المذيعه بتسأل واحد اصلع:تحب تسمع اغنيه ايه قالها: فرق كبير
---------------------------------
مرi واحد اتزنق في قرشين فعصوة
---------------------------------
واحد كهربائى ابوه مات دفنه فى الحيطه
---------------------------------
مرة واحد عجلاتى قعد على قهوة طلب كاوتشينو
---------------------------------
واحد عصبي ضرسه وجعه راح للدكتور وقال له اخلع كل ضروسي وخليه زي الكـلب لوحده
---------------------------------
واحد بخيل ضرب عياله؟ ليــه ..؟ لقاهم مشغلين المروحة على ثلاثة وهم اثنيين
---------------------------------
ندل أبوه طرده من البيت كتب على البيت مقر تنظيم القاعدة
---------------------------------
واحد ماعندوش غير ضرسين قدم على وظيفه عينوه خرامه
---------------------------------
ندل عينوه مدرس بمدرسة معوقين حط اول حصه قفز حواجز
---------------------------------
قرد ودانة اتقطعت بص فى المراية قال يا خسارة الحلو ميكملش
--------------------------------
اثنين مساطيل قاعدين بيشربوا فى الخلاء . جه البوليس . و احد هرب و التانى
حط نفسه فى الطين . الظابط لقى حاجة بتلعب فى الطين .
طلعه . قال له :بتعمل ايه ؟ المسطول رد: هو يا افندم الانسان مخلوق من ايه؟
رد الظابط : من طين . قال المسطول : شوفت ! و شرفك انا لسه مخلوق دلوقت حالا
---------------------------------
مرة واحد دخل مطعم بيتزا فقالولو تحب نقطعلك البيتزا 8 حتت ولا 16 حتة
فقالهم كفاية 8 علشان انا مش جعان قوي
---------------------------------
واحده عجوزه راحت للمستشفى مع ابنها ... كشف عليها الدكتور وقال : امك تعبانه من الوحدة ... ولازم تجوزها واحد عمره خمسين ... وهم طالعين تقوله امه : شفت يابنى دورلى بقىعلى واحد عمره خمسين .مش لاقيت.. شفلك اثنين من ابو خمسة وعشرين
---------------------------------
واحد ومراته متخانقين فبطلوا يكلموا بعض فكتب ورقة صحيني الساعه 6:30 علشان عندي شغل ، وحط الورق على السرير ونام صحي الساعة 10:00 فلقى ورقه مكتوب عليها الساعه 6:30 يلا إصحى
--------------------------------
ايه الفرق بين الاسبوع وموس الحلاقة والصحراء؟؟؟؟؟؟؟؟؟؟؟؟
الاسبوع فيه حد ، والموس فيه حدين ، والصحراء ما فيهاش حد
---------------------------------
مرة 3 أطفال راحوا محل لعب واحد بيقول للراجل: عمو عمو عايز بلونة. الراجل جاب السلم وطلع جاب له بلونة ونزل فسأل التاني: وانت عايز ايه؟ .قال له بلونة .. قال له ماقلتش ليه وانا فوق!! المهم طلع جابهاله وهو فوق سأل الولد التالت: وانت كمان عايز بلونة؟؟؟ قال له لأ... فنزل الراجل وقال له : امال عايز ايه؟. قاله عايز بلونتين
---------------------------------
واحد و هو بيموت بص لمراته بصه كلها رومانسيه و قالها : انا لما اترفدت كنتي معايا ، و لما عييت وقفتي جنبي، ولما فلست برضوا كنتي معايا ، و دلوقتى لسا جنبي ، مسك ايدها بحنيه و قالها : مش عاريف ليه حاسيس انك نحس
---------------------------------
بيقولك مرة واحدة محرجة على جوزها انة مش يتاخر برة فجة يوم واتاخر راحت قافلة الباب دنة يخبط مارديتش تفتح راح ضارب الصفيحة راحت معورة رجلية خبط تانى مافتحتش راح ضارب الصفيحة راحت معورة ركبتة خبت تانى مافتحتش راح ضارب الصفيحة عورت ايى راح مخبط تانى وقلها افتحى ياولية الصفيحة هتموتنى
---------------------------------
واحد محشش قاعد مع اصحابه و بيحكيلهم : انا مره طلعلى اسد و كان فى ايدى كباية ميه رميته بيها الاسد طلع يجرى... رد عليه واحد من اللى قاعدين قاله صح انا لما قابلت نفس الاسد ضربته بالقلم ايدى اتبلت
---------------------------------
مرة واحد بيشتكي من الديدان اللي ف بطنه... داخ عند كل الدكاترة... محدش عرف يعالجه... اخر حاجة قالوله فيه شيخ بيشفي من كل الامراض... راحله واشتكي له حالته... قال له... مشكلتك بسيطة جدا... تروح عند محل بيبيع بطيخ... وتشتري بطيخة حمرة وكبيرة... تقطع راسها وتقعد عليها... بيقوم رئيس الديدان بينزل ويلحس منها شوية... ف هيلاقيها حلوة... هيقول للديدان... شباب انزلوا... قام رايح صاحبنا واشتري اكبر بطيخة حمرا وقعد عليها... نزل رئيس الديدان ولحس منها شوية ولقاها حلوة... قال لهم... شباب طلعوها
---------------------------------
واحد مسطول ماشى في الشارع لقي عمود نور مكتوب عليه شقة للإيجار راح قعد يخبط على العمود لغاية لما جاله مسطول تانى قال له أنت بتعمل إيه هنا قال له اصلي لقيت مكتوب شقة للإيجار قمت قعدت اخبط بس محدش رد علىّ قام التانى قال له غريبة مع إن الجماعة منورين النور فوق
---------------------------------
واحد تخين اتجوز واحدة تخينة خلفوا واد سموة مين يشيلة
---------------------------------
جماعة صعايدة قرروا يفتحوا محل بيتزا سموة بيتزا هع
--------------------------------
مرة طفل صعيدى شاف ام زنجية بترضع ابنها فقال لامة يابختة فردت لية قالها عشان بيرضع شيكولاتة
---------------------------------
جماعةصعايدة بينضفوا الحيطة بالمية الكهرباء مسكت في واحد منهم اعدوا يشدوة و يضربوة عشان يبعد عن الحيطة و الاخر ودوة المستشفى وكانت نتيجة تفرير الطب الشرعى سبب الوفاة ضرب افضى الى موت
---------------------------------
مسطول مزور ورقة بنكنوت انما 10/10 مع ذلك مسكوه ياترى ليه ؟
عشان كان مزور ورقة بستين جنيه
--------------------------------
واحد كريم اتجوز واحده كريمه خلفوا ولد ادوه هديه للجيران
---------------------------------
قابلت مذيعة اثنان مساطيل

سالت الاول : مصر بالنسبالك ايه ؟

فقال: مصر دى امى.

ثم سالت الثانى :وانت مصر بالنسبالك ايه؟

قال:مأدرش اتكلم عن أم واحد صحبى
---------------------------------
واحد ضابط مظلات امه حلمها ما بيخيبش. كان عنده عرض أمام

الوزير ...قالتله بلاش تنط عشان أنا حلمت ان البراشوت مش هيفتح.

المهم جه ينط ... خاف وافتكر

فزميله سأله أيه الحكاية؟؟ فلما قاله رد عليه زميله ...ولا يهمك خذالبراشوت بتاعي وهات البراشوت بتاعك. نط صاحبنا وفتح البراشوات ..أتفتح معاه شوية ولقى زميله نارل بسرعة وبيصرخ .

الله يخرب بيت أمـــــــــــــــك
---------------------------------
حمار بيقول لخطيبته امتى هنتجوز ياحمارة قالت له لما تحسن الفاظك ياحيوان
---------------------------------
مرة واحد سكران بيوقف تاكسي فسأله: فاضي ياسطة فقال له الأسطة: ايوة فاضي فقال له السكران طيب ماتيجي تقعد معايا شوية
---------------------------------
واحده ست مسكت حرامى فى المطبخ،فقالت لابنها روح إنده ابوك من على القهوة.... جه ابوه ، ولما فتح المطبخ لقي الحرامي صغيّر فقال له انت اسمك ايه؟ قالوا كريم ،فقعد يضرب فيه لحد ما عجنه .... تاني يوم الست بتفتح باب المطبخ لقيت حرامي قالت لابنها روح يا وله نادي ابوك من على القهوة جه الراجل ولما دخل المطبخ لقي واحد طول بعرض ....... بص لمراته وقال لها امال فين كريم
---------------------------------
ثلاثه صقور اتراهنوا على الصيد راح الاول ورجع في منقاره دم قليل... قال لزمايله شفتوا الشجره اللى هناك دى؟ قالوا أيوه قالهم انا اصطادت عندها أرنب ...... راح الثاني ورجع في منقاره دم كثير قال شفتو الصخره اللى هناك دى؟ قالوا أيوه قال اصطادت عندها غزال .... راح الثالث وهو أغبى واحد فيهم ورجع وكله دم قالهم شفتوا العمود اللى هناك ده؟ قالوا أيوه قال أنا ما شفتهوش
---------------------------------
واحد ركب اوتوبيس قعد جنب واحد ، شويه وجه الكمسري يقول للراجل اللي جانبه تذاكر قاله ابونيه ... فماخدش منه فلوس.... فصاحبنا عجبته الفكرة قوى ... ركب مرة تانية مع مراته و ابنه... فالكمسري قاله تذاكر قاله انا ابونيه و دي ام نيه و ده نيه نفسه
قـزم عـطـس ... خـبـط راسـه فـي الارض
---------------------------------
واحدة بخيلة بعتت ابنها يشترىتلاتة ارغفة لما جه قالتله رجع رغيف ابوك مات
---------------------------------
فيل على علاقة بنمله قرر فجأه ينهى العلاقه فقالت النمله وهى تترجاه ارحمنى و ارحم الفيل إلى فى بطنى
---------------------------------
صعيدى اتصور فى المصيف ب مايوه و بعت صورته ل اهله فى البلد بعتوله هدومه
---------------------------------
8صعايده بيهزروا صفصفوا على 3 قالوا كفايه كده بقى لحسن تقلب بجد
---------------------------------
مره واحد عداه العيب خد اللى بعده
واحد اتجوز واحده اسمها نعمه باسها وش و ضهر
واحد صعيدى رجع فى كلامه داس اللى وراه
واحد صعيدى اتعزم على حفله تنكريه بعت اخوه بداله
---------------------------------
ما الفرق بين الزواج والكولونيا؟
الزواج .... قسمة ونصيب
الكولونيا .... قسمة والشبراويشي
---------------------------------
شيخ بقاله 3 أيام محبوس ف الحمام ليه؟
ناسى دعاء الخروج
---------------------------------
لية الديك عندة زكام ؟علشان متجوز فرخة مجمدة
--------------------------------
تلاته خرجوا فرحلة سفاري..واحد مصري والتاني صومالي والتالت أمريكاني..دخلوا كهف وناموا..وصحيوا بعد 300سنة!..كل واحد فيهم آم رجع بلدة..
---------------------------------
الصومالي شغل الراديو سمع: (الصومال لن تتنازل أبدا عن حقها الشرعي والتاريخي في ولاية نيوجيرسي)
---------------------------------
الأمريكي شغل الراديو سمع: (سيدافع الجيش الأمريكي عن البلاد لآخر جندي!)
--------------------------------
المصري شغل الراديو سمع: (إخترناه..وبايعناه...وعشان كده احنا اخترناااااااااااااااااااه!)
---------------------------------
مرة واحد مستعجل أتجوز وحدة مستعجلة خلفو واحد مش فاضيلهم
---------------------------------
مرة ديك بيقول لفرخة تتجوزيني عرفي ؟
قلتلة ده بابا يدبحني

[b]

هههههههههههههههههههههههههههه حلوين اوى

تسلم ايدك