عدد المساهمات : 94 نقاط : 167 تاريخ التسجيل : 01/07/2009 العمر : 31
موضوع: رحلة سياحيه مجانيه فى مصر ..........اوعوا تفوتكم الجمعة يوليو 10, 2009 11:29 am
[center][center]أقلع معنا ايها السائح في هذه الرحلة المجانية لمشاهدة أروع الأماكن فى بلدنا الحبيبه مصر
[size=24]اليوم الأول
والأن اسندوا ظهوركم على الكراسي واربطوا الأحزمة
فسنقلع الآن بعون الله على إحدى طائرات أسطول مصر للطيران
حمداً لله على السلامة .. ده يوم سعدك لأن هو ده التاكسي الفاخر المجهز خصيصاً لنقلك من المطار إلى الفندق
واسمع كلامي وبلاش تدي ودنك للناس وصدقني أنا بالرغم مما يحدث .. لن تجد أأمن من مصر حيث الشرطة في خدمتكم دائمًا ؟!!
ولو عايز تغير عملة .. في طريقنا بنك فيصل الإسلامي
ونظراً لأن مقامك عالي وتشريفك غالي عندنا .. فقد اخترت لك هذا الفندق الذى يليق بك
وإذا مارتاحتش فيه .. لاتقلق .. طلبك موجود وفيه اكثر من بديل
وعلى فكرة الفندق ده فيه حمام سباحة خطييييييييييييير علشان تعوم براحتك
وبنظرة من الفندق على النيل وعلى مصر الجميلة ستشاهد جمال يفوق الوصف ومن شدة الجمال لن ترتاح وأنا واثق سوف تنزل تاخذ لفة على السريع
و علشان تعبت من كتر اللف هاريح لك رجليك وافسحك فسحة حلوة بالحنطور
ده أسد من الأسود حراس كوبرى قصر النيل
وده منظر داخلي من منطقة الجزيرة حيث توجد دار الأوبرا
وده المتحف المصري
لو تعبت .. تعالى نريح جنب اصحابنا على كوبري قصر النيل
شكلك زهقت مني هى مصر مش عاجباك؟ ولا أنا اللى باتكلم كثير ؟؟ ياعم رد عليا .. اوعى تكون مش قادر تتكلم من الجوع يظهر عليا مرشدة سياحية فاشلة .. فضلت الفف فيك لحد ماوقعت من الجوع تعالى بقى نلحق ناكل لقمة لاتقع منى من الجوع وتحملني مسئوليتك
بص إيه رايك فى العيش اللى يفتح النفس ده
ولا ريحة المشاوي اللى تطير بك للسحاب
أنا بقى خلينى على قدي وهاتغدى بفاكهة الغلابة التين الشوكي . اصلى عامل دايت لجسمي ولجيبي ههههههههههههه
شكلك كلت وشبعت وبرضه مش عايز ترد عليا .. لالا يبقى صمتك ده ماكانشي من الجوع أنا دلوقتي إتأكدت ان صمتك ده بسسبي أنا بص انا هاسيبك تتفسح وتتفرج براحتك وساعت ماتزهق قولى روحنى مش عايز ياعمي بعد ماترجع بلدك تقول عليا كثيرة الكلام وتدعي عليا انت جاي هنا علشان تتبسط مش علشان تلاقى حد يزهقك
مش قادرة اسكت .. انا مرشدة سياحية وواجبي يحتم عليا اني لازم اتكلم .. بص بقي هاتكلم يعني هاتكلم ده جامع محمد علي باشا بقلعة صلاح الدين الأيوبي
هو أكثر معالم القلعة شهرة حتى أن الكثيرين يعتقدون أن قلعة صلاح الدين الأيوبي هى قلعة محمد على باشا لشهرة هذا الجامع بها كما يسمي أيضا جامع المرمر وهو نوع من أنواع الرخام النادر الذى كسي به وقد ذكرت المصادر والمراجع المختلفة أنه ما أن أتم محمد على باشا إصلاح قلعة صلاح الدين الأيوبي وفرغ من بناء قصوره ودوواين المالية والجهادية وعموم المدارس ودار الضرب رأى أن يبني جامعا كبيرا بالقلعة لأداء الفرائض وليكون به مدفنا يدفن به وقد ذكر باسكال كوست المعماري الفرنسي فى مذكراته أن محمد على باشا طلب منه تصميم جامع بالقلعة سنة 1820 م ولكن المشروع توقف ولم يشرع فى بناء الجامع إلا سنة 1830م وفقا لتصميم مهندس معماري أخر تركي هو المهندس " يوسف بوشناق " الذى وضع تصميمه على غرار جامع السلطان أحمد بالأستانة مع بعض التغييرات الطفيفة
وكان الشروع فى إنشاء الجامع سنة 1246هـ / 1830م واستمر العمل سائرا بلا انقطاع حتى توفي محمد على باشا إلى رحمة الله تعالي سنة 1265 هـ / 1848م ودفن فى المقبرة التى أعدها لنفسه بداخل الجامع وقد بنى هذا الجامع على أنقاض قصر الأبلق والإيوان الذى بناه الناصر محمد بن قلاوون والقاعة الأشرفية التى تنسب إلى الأشرف خليل بن قلاوون
وده بقى مسجد السلطان حسن بالقلعة
أكيد زهقت مني من كتر شرحي لك عن جامع محمد على والقلعة وهاتقولي ضيعتى لنا اليوم فى القلعة .. ولا تزعل .. بينا بقى على الحسين
ماتيجي نريح شوية ونعمر الطاسة بشوية شاى فى الخمسينة على قهوة الفيشاوي وبكرة بقى نكمل الرحلة
استنوا معايا اليوم التانى قريبا..................
amaraia نائب المدير
عدد المساهمات : 94 نقاط : 167 تاريخ التسجيل : 01/07/2009 العمر : 31
موضوع: رد: رحلة سياحيه مجانيه فى مصر ..........اوعوا تفوتكم السبت يوليو 11, 2009 6:59 am
اليوم الثاني
طبعاً شبعت من منظر النيل والشوارع الكبيرة أمس تعالي بقى افرجك على مصر الأصيلة .. الناس الغلابة والأحياء الشعبية
عدد المساهمات : 94 نقاط : 167 تاريخ التسجيل : 01/07/2009 العمر : 31
موضوع: رد: رحلة سياحيه مجانيه فى مصر ..........اوعوا تفوتكم السبت يوليو 11, 2009 8:20 am
كله يوسع لليوم التالت
اليوم الثالث
هانبتدي يومنا الثالث ان شاء الله بزيارة القرية الفرعونية منطقة ساقية مكي بالجيزة وفيها تجسيد لحياة المصري الفرعوني القديم
وسنشاهد هناك تابلوهات من فرق الفنون الشعبية المصرية كعازف الربابة الصعيدة وفرقة التنورة
زيارة جميلة مش كده ؟؟ طيب ايه رأيك لو رحنا الحرانية على ترعة المريوطية بطريق سقارة واتفرجنا على صناعة السجاد اليدوى وتشوف بعينك أنامل المصري الفنان وهي تعزف على خيطان الحرير والصوف لتغزل أجمل التابلوهات
وبكده تكون الزيارة انتهت ...........يااااااااااااااااااااااه والله كانت زيارة جميله اكيد اتعرفت فيها على مصر الاصيله بنيلها وشعبها وبيئاتها المختلفه ..................يارب تكون استمتعت معنا (ويارب يكون الموضوع عجبكم ).....واكيد هترجعلنا تانى اصل اللى يشرب ميه النيل لابد يرجعله .................... سلاااااااااااااااااااام
fulla عضو فعال
عدد المساهمات : 55 نقاط : 98 تاريخ التسجيل : 01/07/2009 العمر : 30
موضوع: رد: رحلة سياحيه مجانيه فى مصر ..........اوعوا تفوتكم السبت يوليو 11, 2009 9:01 am
ياااااااااااه رحلة جميله اوى اوى يا ساحرةيلا مستنيين اليوم الرابع هههههههههه
ضى القمر عضو جديد
عدد المساهمات : 14 نقاط : 14 تاريخ التسجيل : 08/07/2009
موضوع: رد: رحلة سياحيه مجانيه فى مصر ..........اوعوا تفوتكم الأحد يوليو 12, 2009 9:01 am
[center]ميرسى ياساحره بجد تحفه تسلمى يارب
amaraia نائب المدير
عدد المساهمات : 94 نقاط : 167 تاريخ التسجيل : 01/07/2009 العمر : 31
موضوع: رد: رحلة سياحيه مجانيه فى مصر ..........اوعوا تفوتكم الأحد يوليو 19, 2009 4:47 am
منورين التوبيك يا قمرات.............بس مش معقول ردين اتنين بس دانا قلت الموضوع ده هيقلب المنتدى لانى بجد تعبت فيه جدااااااااااااااااا.
الرئيسية 
أحدث الصور 
موضوع: رحلة سياحيه مجانيه فى مصر ..........اوعوا تفوتكم 
الجمعة يوليو 10, 2009 11:29 am
